ياقلبي ياللي في حياتك

ياقلبي ياللي في حياتك تعنيت #لا ضاق بي عديت روس الطوالي

لاقربي منزال حلو وتعليت # فأطلب إله العرش عز الجلالي

أدعو إله العرش ياحامي البت # يارب أنا طالبك ترأف بحالي

مدري علامي صرت ضائق ومليت #جلست أفكر في زمانس مضى لي

سالت دموعي فوق خدي وصديت #صدة غريبٍ غربلته الليالي

أنا ترني كل ماأصبحت وأمسيت #يمربي طيفس يزيد اعتلالي

طيفٍ يزيد الجرح ثم يحيي المِيت #من الجروح اللي تهد الجبالي

لا شك أنا ما أنساه لا ما تناسيت #وأجر ونة كل ماجاء ببالي

طيف الهموم اللي بنت بالحشا بيت # وأقول وا مشكاي عزي لحالي